ಅದೋ ಅಲ್ಲಿ ಹರಡಿವೆಯಲ್ಲ..........?
ಅವು ಮೊನ್ನೆ ನಾವೇ ತುಂಡರಿಸಿದ
ಹೆಮ್ಮರದ ಬಿಳಲುಗಳು........!
ಏನಾಶ್ಚರ್ಯ ಬಿದ್ದ ಬಿಳಲುಗಳು
ಅಲ್ಲಲ್ಲಿ ನೆಲಕಚ್ಚಿ ಚಿಗುರೊಡೆಯ
ತೊಡಗಿವೆಯಲ್ಲ...............!
ಕಾಲ ಚಕ್ರದ ಅಡಿಯಲ್ಲಿ ಸಿಕ್ಕಿ
ಮಡಿದ ಹೆಮ್ಮರಗಳ ಸಂಖ್ಯೆ
ಅದೆಷ್ಟೋ ಬಲ್ಲವರಾರು ?
ಋತು ಆಗಮನದ ಸಿಂಚನ
ಸಮ್ಮಿಲನದ ಫಲವಾಗಿ ಮತ್ತೆ
ಚಿಗುರೊಡೆಯುವ ಸಸಿಗಳೆಷ್ಟೋ ?
ಮಾವು, ಹಲಸು, ಹೊಂಗೆ ತೆಂಗು
ಬೇವು ಬೇಲಾ ಹೀಗೆ ಹಲವು
ಬಗೆಯ ಜಾತಿ .................
ಇದು ಮೊದಲ ಪಾಪದ ಫಲ
ಬೀಜ ವೃಕ್ಷದ ನೀತಿ ಬಲ್ಲವರು
ಯಾರು ಇಲ್ಲಿ ...............?
Subscribe to:
Post Comments (Atom)
No comments:
Post a Comment